Русија и НАТО ја отпочнаа трката за вооружување

Добивај вести на Viber

Нато и Русија започнаа со трупање на убиствено вооружување на „линијата на допирот“, како одговор на се поголемото присуство на Алијансата на руската граница. Москва распоредила оперативно – стратешки систем „Искандер – М“ во западната, Калининградска, воена област. Германскиот весник  „Билд“ пишува дека „Искендер – М“ е наменет за уништување на различни цели на земјата како ракетни системи и тешка артилерија, па се до објекти и системи за противвоздушна и противракетна одбрана. Овој руски систем е мобилен, а подготовката за лансирање ракета трае многу кратко. Вестите за поставување на овој штит предизвикаа широка медиумска реакција во Европа и шпекулации дека земјата влегува во нова „Студена војна“. Воените портали наведуваат дека во Европа во шест авио – бази во Белгија, Германија, Италија, Холандија и Турција има вкупно 180 атомски бомби „V61“, кои се лансираат од борбените авиони „F – 15Е“ и „F – 16“. Овие авиони членките на НАТО постојано ги испраќаат на „дежурство“ во авио – базата која се наоѓа во близина на литванскиот град Шауљ, каде патролираат по должината на балтичкиот брег. На суперсоничните ловци потребни им се 15 до 20 минути лет од Шауљ и Балтикот да стигнат до руски Смоленск. РУСКИОТ СТРАВ Е ДАЛИ ЗАПАДОТ НАВИСТИНА САКА ДА ИМ ГО ОДЗЕМЕ СИБИР? Воените експерти оценуваат дека „Искендер – М“ е само дел од комплексните одбрамбени мерки кои Русија ги презема како одговор на приближувањето на НАТО. Русија настојува да се држи во чекор со САД по однос на прашањето за стратешкото оружје со голем дострел. Дел од овој комплекс секако е и радарскиот истем за откривање ракетни напади „Вороњеж – ДМ“ кој исто така е распореден во Калининградската област. Тој го контролира подрачјето во правец на Атлантскиот океан, каде секојдневно дежураат американските и англиските нуклеарни подморници вооружени со балистички ракети. Вашингтон ја усвои програмата за фазно „адаптирање“ и поставување на „ПРО“ системот за противракетна одбрана и веќе отпочна со изградба на бази со ракети пресретнувачи „SM – 3“ во близина на романскиот град Девесел. Иста ваква база наскоро е најавено да се изгради и во Полска, во близина на границата со западното воено подрачје. САД тврдат дека антиракетните планови на САД не ја загрозуваат Русија и дека „ПРО“ е заштита за Европа и Америка од „непредвидливи режими“ како што се оние во Иран и Северна Кореја. Москва го отфрла ваквото објаснувае и тврди дека овие ракети се исклучиво наменети за евентуален удар врз Русија.