РУСИЈА И УКРАИНА ДОГОВОРИЈА МИР ВО ЦРНОТО МОРЕ: Што бараат Русите од Американците за возврат?
Објавено во: Свет 25 Март, 2025 20:08
Русија и Украина договорија мир во Црното Море.
Вашингтон објави дека САД и Русија постигнале договор за обезбедување сигурна пловидба во Црното Море. Договорено е дека нема да има напади врз енергетската инфраструктура ниту во Русија, ниту во Украина. Покрај тоа, Вашингтон ќе ѝ помогне на Русија да го врати пристапот до глобалниот пазар за извоз на земјоделски производи и вештачки ѓубрива, вклучително и намалување на трошоците за осигурување на бродови и олеснување на пристапот до пристаништата и платните системи за овие трансакции.
Белата куќа потврди дека САД и Украина се согласиле за продолжување на американската посветеност за враќање на присилно земените украински деца.
Украинската и американската делегација денеска разговараа во Саудиска Арабија.
Украинскиот министер за одбрана, Рустем Умеров додаде дека Киев верува дека секое заминување на руски воени бродови надвор од источниот дел на Црното Море ќе претставува кршење на духот на овој договор.
„Во тој случај Украина ќе има целосно право на самоодбрана“, изјави Умеров.
Кремљ и официјално потврди дека Русија се согласила на ограничен прекин на огнот поврзан со Црното Море.
Тие велат дека договорот е условен со укинување на санкциите за руските банки вклучени во меѓународната трговија со храна и ѓубрива и со поврзување на Свифт – систем кој овозможува сигурна финансиска комуникација меѓу банките.
Претседателот на Украина, Володимир Зеленски денеска изјави дека Киев ќе ги исполни своите обврски од договорот за безбедност во Црно Море, но оти ако Русија го прекрши договорот ќе бара дополнителни санкции за Москва и оружје.
Зеленски рече дека по ова, никој не може да ја обвини Украина дека не се движи кон одржлив мир.
foto EPA
Можеби ќе ве интересира
САМО ЕДЕН ДЕН ПО РАЗОРНИОТ ЗЕМЈОТРЕС, ВОЈСКАТА ГО УБИВА СОПСТВЕНОТО НАСЕЛЕНИЕ ВО МЈАНМАР: Бројот на загинати надмина 1.600, а прогнозите се уште поцрни
ЕДЕН ОД РЕТКИТЕ ШТО ВЛЕГОЛ ВО „ЅВЕРОТ“ НА ПУТИН: Целосно блиндирана и отпорна на воздушни и хемиски напади, лимузината беше проголтана од пламен
БОЛНИЦАТА СЕ ТРЕСЕ, А АКУШЕРКИТЕ ГИ СПАСУВААТ БЕБИЊАТА: Снимка од моментите на земјотресот во Мјанмар
НАЈДОБРИОТ СЕ СРЕТНА СО НАЈДОБРИОТ! Џоковиќ ја доби десетката на Меси, а тој зелената Ла Кост
ЦЕЛИ ЗГРАДИ ИСЧЕЗНАА ЗА НЕКОЛКУ СЕКУНДИ – МЈАНМАР БРОИ ПОВЕЌЕ ОД 1.000 ЗАГИНАТИ: Уште се трага по преживеани
ЈАПОНИЈА ПРВ ПАТ СО ПЛАН ЗА ЕВАКУАЦИЈА ОД ОСТРОВИТЕ ВО БЛИЗИНА НА ТАЈВАН: Тензиите меѓу Пекинг и Тајпеј се зголемуваат
(ВИДЕО) ИСТРАЖУВАЧ ОД СИНГАПУР: Колегите од Мјанмар беа предупредени за земјотресот
КАБИНЕТОТ НА ЗЕЛЕНСКИ ДО ПУТИН: Нека земе неколку апчиња за мозок
(ВИДЕО) РАСТЕ БРОЈОТ НА ЗАГИНАТИ ВО МЈАНМАР: Се урна болница, но и многу други објекти
