Русија, Кина и САД - најголеми закани за ЕУ?
Објавено во: Свет 01 Февруари, 2017
Претседателот на Европскиот совет, Доналд Туск изјави дека Кина, Русија и новата американска администрација на Доналд Трамп се меѓу главните надворешни закани за блокот, пренесува Voice of America.
„Особено промената во Вашингтон ја става Европската унија во тешка ситуација, бидејќи новата администрација изгледа ги става под прашање последните 70 годиниа од американската надворешна политика“, истакна Туск, пренесоа светските медиуми.
„Треба да биде јасно дека дезинтеграција на ЕУ нема да доведе до обновување на некаков митски целосен суверенитет на земјите членки, а ќе доведе до нивната реална и фактичка зависност од големите сили: САД, Русија и Кина. Само заедно можеме да бидеме целосно независни“, додаде Туск.