РУСИЈА НЕ КОМЕНТИРА: „Волстрит журнал“ објави кој стои зад убиството на Пригожин
Објавено во: Свет 22 Декември, 2023
„Волстрит журнал“ објави кој го оркестрирал убиството на водачот на групата Вагнер, Евгениј Пригожин, на што реагира Русија.
Кремљ денеска го обвини „Волстрит журнал“ дека објавува „пулп фикција“ откога извести дека смртта на Пригожин во авионска несреќа ја организирал рускиот безбедносен функционер, Николај Патрушев. „Волстрит журнал“ објави дека приватниот авион на Пригожин е соборен со мала бомба поставена под крилото. Весникот во извештајот цитира неименувани западни разузнавачи и поранешен руски разузнавач.
Портпаролот на Кремљ, Дмитриј Песков, изјави дека го видел извештајот, но не сака да го коментира.Кон крајот на јуни, Пригожин направи обид за пуч, а два месеци подоцна загина.