„РУСИЈА НЕМА ДА МЕНУВА СУВЕРЕНИТЕТ ЗА КОЛБАС“ - Путин на партискиот конгрес: Нема да станеме нечиј сателит
Објавено во: Свет 17 Декември, 2023
Рускиот претседател Владимир Путин денеска изјави дека Русија ќе биде суверена држава или воопшто нема да постои
- Тоа е исклучително важна работа која секогаш треба да биде во нашите глави и срца. И поради тоа ние самите ќе ја одредиме и креираме нашата иднина. Тоа е погледот на суверената држава кон светот, основата за вистинска граѓанска консолидација, за заедничка работа – рече Путин во своето обраќање на 21-от конгрес на партијата Единствена Русија.
Тој посочи дека Русија сама ќе излезе со сите решенија, без надворешно наметнување, пренесоа руските медиуми.
– Русија не може, како некои земји, да се откаже од својот суверенитет во замена за колбас и да стане нечиј сателит – нагласи рускиот претседател.
Путин денеска доби едногласна поддршка од Единствена Русија како независен кандидат на претседателските избори во 2024 година.
Тој се заблагодари за постојаната поддршка на Единствена Русија, која, како што рече, му е важна.
За потсетување, Русија ја нападна Украина во февруари 2022 година.