Русија објави нов список на 47 непријателски земји, Турција, Унгарија и Словачка единствени НАТО-членка који не се на истата
Објавено во: Свет 21 Септември, 2024 13:39
Рускиот премиер Михаил Мишустин одобри список на земји кои наметнуваат „деструктивни ставови кои се во спротивност со руските духовни и морални вредности“, пренесе ТАСС.
Списокот вклучува 47 земји, од кои речиси сите претходно беа назначени од Русија како „непријателски“.
Меѓу нив е Македонија, како и речиси сите земји од Европската унија, со исклучок на Унгарија и Словачка. Вклучени се сите земји од НАТО, освен Турција.
На листата се и Швајцарија, Јапонија, Јужна Кореја, Австралија, Нов Зеланд, Микронезија и Бахамите, како и Украина.
Документот беше потпишан од Мишустин на 20 септември и беше издаден во согласност со указот на претседателот Владимир Путин од 19 август годинава.
Уредбата предвидува поедноставена процедура за преселба во Русија за оние кои не ги прифаќаат деструктивните неолиберални ставови во нивните земји кои противречат на традиционалните вредности, пишува bTV.
Од таквите кандидати нема да се бара да имаат познавање на руски јазик, руска култура или историја.
Можеби ќе ве интересира
Путин: Европските свињи веднаш се приклучија на работата на претходната американска администрација
Русија остави простор за разговори за странски сили во Украина
Трамп нареди „целосна блокада“ на санкционираните танкери за нафта што доаѓаат и заминуваат од Венецуела
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“
