Русите уапсија украински градоначалник, Украина вели дека е киднапиран
Објавено во: Општо 12 Март, 2022
Украинците тврдат дека Русите го киднапирале градоначалникот на Мелитопол, Иван Федоров, а објавено е и видео
Украина ги обвини руските сили за кршење на меѓународното право со киднапирање на градоначалникот на Мелитопол, град во југоисточна Украина кој падна под руска контрола за време на инвазијата.
Белорускиот опозициски медиум Некста на Твитер сподели видео во кое се наведува дека е киднапиран градоначалникот на Мелитопол, Иван Федеров.
Видеото набрзо се прошири на социјалните мрежи, но засега не е можно да се потврди нејзината автентичност. Украинските власти тврдат дека тоа дефинитивно го потврдува киднапирањето на градоначалникот.
Советникот на министерот за внатрешни работи Антон Херашченко изјави дека Федоров бил киднапиран од „кризниот центар“ лоциран во градот, а руските војници му ставиле пластична кеса над главата.
„Руските војници, кои веќе втора недела вршат ракетни и бомбашки напади врз цивилни објекти и инфраструктура во Украина, вклучително и детски болници и училишта, цинично го обвинуваат градоначалникот за „тероризам“.се огласи Украина.
Од таму додаваат дека киднапирањето на градоначалникот на Мелитопол е класифицирано како воено злосторство според Женевските конвенции и Дополнителниот протокол, кои забрануваат земање цивилни заложници за време на војна.
Русија се уште не го коментира киднапирањето.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
