РУТЕ ДО ПУТИН: Ако некој ја нападне Полска, нашата реакција ќе биде поразителна
Објавено во: Свет 26 Март, 2025 16:32
Ако Русија ја нападне Полска, одговорот на НАТО ќе биде поразителен, вели генералниот секретар на Алијансата, Марк Руте.
Руте денеска во Варшава предупреди дека секој што би замислил да ја нападне Полска треба двапати да размисли, затоа што НАТО ќе одговори со полна сила.
„Ако некој направи погрешна пресметка мислејќи дека може да ја нападне Полска без последици, нашиот сојуз ќе одговори. Реакцијата ќе биде поразителна. Тоа мора да му биде јасно на господинот Владимир Владимирович Путин или на секој кој би сакал да не нападне“, вели Руте на прес-конференција со полскиот премиер Доналд Туск.
Полскиот премиер Доналд Туск предупреди дека Полска мора да биде подготвена за различни сценарија, вклучувајќи ги и оние што не им се допаѓаат.
„На сите им е јасно дека преговорите се водат и нашето влијание врз нив е ограничено, дотолку повеќе што Полска мора да биде подготвена за сценарија кои нема да бидат сто проценти како што ги опишавме“, рече Туск.
Руте рече дека сите треба да го следат примерот со Полска, која одвои повеќе пари за вооружување. Русија повеќе од три години војува со Украина. Руските власти упатуваа закани до повеќе држави кои воено помогнаа на Украина.
Можеби ќе ве интересира
Финскиот претседател без најава во јавноста го посети Трам за да разговараат за мразокршачи
Протести против политиките на Маск пред продажни салони на „Тесла“ во САД и Европа
Бугарката која го измами британскиот социјален систем за 52 милиони фунти ќе може на лето да си ги види децата дома
САМО ЕДЕН ДЕН ПО РАЗОРНИОТ ЗЕМЈОТРЕС, ВОЈСКАТА ГО УБИВА СОПСТВЕНОТО НАСЕЛЕНИЕ ВО МЈАНМАР: Бројот на загинати надмина 1.600, а прогнозите се уште поцрни
ЕДЕН ОД РЕТКИТЕ ШТО ВЛЕГОЛ ВО „ЅВЕРОТ“ НА ПУТИН: Целосно блиндирана и отпорна на воздушни и хемиски напади, лимузината беше проголтана од пламен
БОЛНИЦАТА СЕ ТРЕСЕ, А АКУШЕРКИТЕ ГИ СПАСУВААТ БЕБИЊАТА: Снимка од моментите на земјотресот во Мјанмар
НАЈДОБРИОТ СЕ СРЕТНА СО НАЈДОБРИОТ! Џоковиќ ја доби десетката на Меси, а тој зелената Ла Кост
ЦЕЛИ ЗГРАДИ ИСЧЕЗНАА ЗА НЕКОЛКУ СЕКУНДИ – МЈАНМАР БРОИ ПОВЕЌЕ ОД 1.000 ЗАГИНАТИ: Уште се трага по преживеани
ЈАПОНИЈА ПРВ ПАТ СО ПЛАН ЗА ЕВАКУАЦИЈА ОД ОСТРОВИТЕ ВО БЛИЗИНА НА ТАЈВАН: Тензиите меѓу Пекинг и Тајпеј се зголемуваат
