САД даваат 5-годишни визи на стартап претприемачи
Објавено во: Економија, Свет 29 Август, 2016
Странските стартапи во САД да добиваат петгодишни визи, предвидува законот, предложен од администрацијата на американскиот претседател Барак Обама.
Целта е тие да останат подолго во земјата.
Ако новите предлог закони бидат прифатени, иновативните компании ќе можат да работат легално во САД во текот на две години, со можност за еднократно продолжување на визите со уште три години, пишува TechNews.
За да добијат таква дозвола, странските државјани мора да поседуваат минимум 15% од основаниот стартап во САД, како и тој да има добиено и грант во износ од најмалку 100 илјади долари или инвестиција барем 345 илјади долари од фонд со успешни проекти во портфолиото.
Стартувачката компанија треба да има исто така потенцијал за брз раст и можност да создава работни места.