Добивај вести на Viber
По само еден ден откако Европската унија воведе санкции за Москва, Соединетите Американски држави воведоа економски бојкот и забрана за секаква трговска размена со Крим.
„Повторно ја повикувам Русија да ја прекине окупацијата и обидот за анексија на Крим и да престане да дава поддршка за сепаратистите на истокот во Украина“, изјави во петокот претседателот на САД, Барак Обама.
Претставниците на Киев и проруските сепаратисти синоќа не успеаа да постигнат договор за датум за отпочнување состанок на кој би требало да биде покренат мировен процес и со тоа да се стави крај на конфликтот во источна Украина, во кој до сега настрадаа повеќе од 4.700 лица.
Вчера и Канада воведе нови санкции за Москва со кои во оваа земја се забранува влез на околу 20 лица од Русија. Покрај тоа, воведени се и ограничувања за извоз во Русија.
Канадскиот премиер, Стефан Харпер, рекол дека режимот на рускиот претседател Владимир Путин, го крши територијалниот интегритет и суверенитет на Украина.
„Канада нема да прифати нелегална окупација на Крим“, РЕКОЛ Харпер.
Официјална Москва соопштила дека по најновите мерки на Западот ќе одговори со силна порака.