САКА ПОБЕДА ВО УКРАИНА СО МИНИМАЛНИ ЖРТВИ: Што друго планира новиот руски министер?

Добивај вести на Viber

Рускиот министер за одбрана Андреј Белоусов денеска изјави дека сака да ги модернизира вооружените сили и да постигне победа во Украина со минимални жртви.

Новиот руски министер изјави дека сака да ги „оптимизира“ воените трошоци.

„Првата цел е да се обезбеди интеграција на воената економија во целата економија на земјата. Ова не е лесно и бара оптимизација на расходите што не значи нивно опаѓање“, рече министерот. 

Tој додаде дека неговата втора цел е максимално да ја отвори воената економија за иновации, особено за „дигиталната технологија“. Во неделата навечер, рускиот претседател Владимир Путин направи промена и го смени Сергеј Шојгу, кој беше негов лојален министер за одбрана од 2012 година, и го назначи за секретар на Советот за безбедност, тело кое ги собира највисоките руски функционери, но без никакви реални овластувања.

Во тоа министерство почна чистка поради обвинувањата за корупција, со апсење на заменик-министер во април и апсење на генералот Јуриј Кузњецов, службеник за човечки ресурси. Руските сили ги интензивираа нападите на Харков. Руската инвазија на Украина почна на 24 февруари 2022 година.