Саљији: Довербата е разнишана поради одлуката јавниот обвинител да го преквалификува обвинението за Алмир
Објавено во: Македонија 20 Март, 2018
Министерот за правда, Билен Саљији вечерва си поднесе оставка од функцијата.
Тој на прес конференција објасни дека оставката е мотивирана од неуспехот околу случајот со малиот Алмир.
„Во овие моменти чувствувам дека довербата е разнишана поради одлуката јавниот обвинител да го преквалификува обвинението за малиот Алмир. Оваа контраверзна одлука беше оспорена и од четворицата јавни обвинители. Јас како прв човек на Министерството за правда чувствувам да поднесам оставка” - рече Саљији.
Toj смета дека е важно граѓаните да имаат доверба во институциите.
Јавниот обвинител Љубомир Јовески нагласи дека го проучил предметот за прегазувањето на малиот Алмир и дека обвинението на обвинителот се заснова на факти и докази што му стојат на располагање. За реакциите на четворица обвинители Албанци рече дека тоа е непрофесионално.