Само Босанците и Албанците имаат полош стандард од Македонците во цела Европа

Добивај вести на Viber

Сите сме Европа, но сите живееме различно покажаа најновите статистички податоци за квалитетот на живот мерен спред БДП по глава на жител, што се смета за еден од главните репери при мерењето на животниот стандард. Во рамки на ЕУ најдобро живеат во Луксембург, а најлошо во Бугарија. Македонија, пак е далеку и од Бугарија, и според овие показатели се наоѓа на дното на оваа листа, пред само две држави. Со 35 % БДП по глава на жител, од просекот на ЕУ  Македонија е трета најсиромашна држава во Европа покажаа најновите податоци на Еуростат. Македонските граѓани се 65 % под стандардот на ЕУ, исто како и Србите, а само Босанците и Албанците имаат полош стандард, мерено според показателот БДП по глава на жител. Еве како стојат земјите кандидати за ЕУ и потенцијалните кандидати. Во однос на просекот на ЕУ, Турците имаат 56 % , а најмалку, Босна и Херцеговина 28 %. Огромни разлики има и кај останатите европски земји. Луксембург лани имал повеќе од 2,7 пати поголем БДП по жител мерено според куповната моќ во споредба со просекот на Европската Унија. Следни, се Австрија, Ирска, Холандија и Шведска, со БДП по жител мерено според куповната моќ околу 30% над просекот во ЕУ. Во долниот дел од табелата, како земји кои се под просекот на ЕУ, се Италија и Шпанија но тие се многу блиску до просекот на БДП по глава на жител со 98 односно 97 %, Грците имаат 75 % од просекот, а најлоши во однос на просекот се Романија и Бугарија кои имаат двојно понизок стандард. Редакција Фактор