САМО ПОД ЕДЕН УСЛОВ: Макрон може да биде домаќин на Путин
Објавено во: Свет 21 Декември, 2023
Претседателот на Франција, Емануел Макрон планира да го покани рускиот колега Владимир Путин на гости, но само под еден услов.
Макрон не исклучува дека Путин би можел да биде поканет да ја посети таа земја во 2024 година доколку се одржат мировните преговори во Украина. Ваква изјава даде Макрон во телевизиско интервју на каналот Франс 5, пренесува агенцијата ТАСС.
„Само ако тој (Путин) одржи мировни преговори и ја промени ситуацијата со украинскиот претседател Зеленски“, рече Макрон во долгото телевизиско интервју.
Тема на разговорот на новинарите со францускиот претседател беа главните настани кои се очекуваат во 2024 година, меѓу кои и прославата на 80-годишнината од истоварувањето на сојузниците во Нормандија. Тие ги наведоа учесниците на претстојната прослава, истакнувајќи дека Путин веројатно нема да биде меѓу нив.
Последен пат Путин присуствуваше на настани за одбележување на годишнината од истоварувањето на сојузниците во Нормандија за време на Втората светска војна, беше пред 10 години, во 2014 година.
Според Путин, одбивањето на Западот да соработува со Русија е нивна одлука.„Русија не се затвора кон Северна Америка и европските земји и е подготвена за соработка, а време е тие да престанат да се глупираат чекајќи да не успееме и да размислуваме само за сопствените интереси“, изјави Путин, пренесува денеска „Спутник“.
Неодамна Путин се пожали дека Макрон повеќе не му се јавува, а тој му порача дека не го сменил бројот, а рускиот лидер може да му се јави ако има некој сериозен предлог за решение на војната во Украина.
Руската инвазија на Украина почна лани на 24 февруари.