Сашо Мијалков го пресели бизнисот во Охрид
Објавено во: Економија 03 Август, 2022
Поранешниот директор на УБК, Сашо Мијалков, една од своите ретки фирми во кои тој е единствен сопственик - Макпоинт, од 1 август ја пресели од Скопје со ново седиште во Охрид. Макпоинт ДООЕЛ Скопје е преименувано во Макпоинт ДООЕЛ Охрид на улица АСНОМ во овој град.
Макпоинт е друштво за трговија и услуги. Станува збор за компанија основана во далечната 1993 година, чие седиште, според претходни написи на медиумите, се наоѓаше на домашната адреса на Мијалков, кој е сопственик но и управител на друштвото.
Според Министерството за транспорт и врски, оваа компанија кон средината на 2017 добила лиценца за внатрешен и за меѓународен товарен транспорт. Во меѓувреме компанија го формирала и друштвото за товарен патен транспорт со назив Поинт Оил Транспорт.
Откако Мијалков ја призна вината, меѓу останатото, му е конфискуван имот во вредност
од 5.476.653,00 евра и тоа парични средства
во износ од 336.814.160,00 денари од
банкарската сметка на правното лице ДТУ
Макпоинт ДООЕЛ Скопје.
Медиумите на крајот на јули објавија дека поранешниот шеф на тајната полиција ја променил адресата на живеење во Охрид, а за случајот „Империја“, тригодишната затворска казна ќе ја издржува во затворот во Струга. Тој затвор е од отворен вид и таму може само да се преноќува.
А.К.
Можеби ќе ве интересира
Ексклузивно: Уникредит и германската влада разговараат по превземањето на Комерцбанк
ДВА ГОЛЕМИ ГИГАНТИ ВО КОЛАПС? Работниците масовно одбиваат да работат поради ниските плати
„ИДНИНАТА Е СТРАШНА“: Европа не смее да биде толку наивна
ОТПУШТЕНИ СИТЕ ВРАБОТЕНИ! Германските компании во големи проблеми- позната компанија поднесе барање за стечај
ОВАА СОСЕДНА ЗЕМЈА БУКВАЛНО ЛЕЖИ НА ЗЛАТО: Првите проценки ги надминуваат сите рекорди
БИЗНИС МУАБЕТИ НА ФАКТОР СО ЗЛАТКО МУЦУНСКИ, ГЕНЕРАЛЕН ДИРЕКТОР НА ПОРШЕ: ВО СВЕТОТ СЕ ПРОДАВААТ ОД 65 ДО 70 МИЛИОНИ ВОЗИЛА ГОДИШНО: Ако Македонските пропорции ги ставиме во равенката, ќе бидеме една капка во океанот
ЕВЕ КАКВО ПОРШЕ МОЖАТ ДА СИ ДОЗВОЛАТ МАКЕДОНЦИТЕ: Вреди 250-300 илјади евра, директорот на Порше открива за Бизнис муабети на Фактор
