Сашо Мијалков осуден на 12 години казна затвор за „Таргет Тврдина“
Објавено во: Македонија 26 Февруари, 2021
Сашо Мијалков е осуден првостепено на вкупна казна затвор од 12 години за случајот „Таргет тврдина“ за нелегално прислушкување. На поранешниот шеф на тајната полиција му се засметува и времето поминато во притвор.
За останатите обвинети, Горан Грујевски доби казна затвор од 15 години, за Тони Јакимовски 6 години, на Гордана Јанкуловска и беше одредена затворска казна од 4 години, Никола Бошковски 15 години. Надица Николиќ доби три години, Владимир Варелов со две години условна казна. Силвана Златкова е осудена две години условно. Васил Исаковски е осуден условно исто така на две години. Валентина Симоновска е исто условно казнета со две години казна затвор.
87 милиони денари ќе треба Бошковски, Јакимовски, Грујевски и Јанкулоска да и платата на Агенцијата за национална безбедност како имотно-правното побарување како штетата од уништувањето на опремата. Судењето по предметот започна на 22 декември 2017 година. Сите прислушкувани ќе имаат право да тужат на граѓанска парница.
Обвинителството неспорно докажало дека обвинетиот Горан Грујевски ги сторил кривичните дела „злосторничко здружување“, „злоупотреба на службената положба и овластување“ и „фалсификување службена исправа“; обвинетиот Тони Јакимовски сторил кривично дело „злоупотреба на службената положба и овластување“ и „фалсификување службена исправа“; обвинетата Гордана Јанкулоска сторила кривично дело „злоупотреба на службената положба и овластување“; обвинетиот Никола Бошковски сторил кривично дело „злоупотреба на службената положба и овластување“ и „фалсификување службена исправа“; обвинетиот Сашо Мијалков сторил кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“.
Според Обвинителството, Надица Николиќ сторила кривично дело „злосторничко здружување“ и „злоупотреба на службената положба и овластување“; обвинетите Владимир Варелов, Маријан Шумуликовски, Силвана Златкова и Васил Исаковски, сториле кривично дело „злосторничко здружување“ и „злоупотреба на службената положба и овластување”, како и дека обвинетата Валентина Симоновска, сторила кривичнo делo „фалсификување службена исправа“.