Савески: СДСМ и ДУИ направија дил за Законот за јазици и преквалификацијата за Алмир
Објавено во: Македонија 21 Март, 2018
Според Здравко Савески од Левица постои уиграност меѓу СДСМ и ДУИ исто како што претходно имаше меѓу ВМРО-ДПМНЕ и интегративците за мешање на етничките проблеми во период на тешки политички предизвици, па тој смета дека постои можност за договор Законот за јазици да биде изгласан, а случајот со убиството на малиот Алмир да се преквалификува во тешка сообраќајна несреќа за да се предизвика нов раздор.
„Раздели па владеј! И додека и Македонците и Албанците се незадоволни (едните за јазикот, другите за судството) и меѓусебно се гледаат како непријатели, ТИЕ, властодршците, на мира ќе не’ осиромашуваат сите нас!
Ете, и во случајот со Алмир, што му значи на обичниот Албанец, кој нема политички врски и не е богаташ, тоа што е донесен Законот за јазиците и што во судницата ќе може во поголема мера да се зборува албански? Кога не можат да добијат правда? Главниот проблем е што во институциите не се слуша гласот на народот, без разлика на кој јазик се зборува!
Денес има протест пред Владата во 13 часот за малиот Алмир. Јас ќе бидам таму. Стратегијата „РАЗДЕЛИ ПА ВЛАДЕЈ“ на властодршците не смее да им помине! Да се бориме Македонија да стане нормална држава во која секој, без разлика на социјалниот статус и имањето/немањето политички врски ќе добие правда и заштита на човековите права“ пишува Савески на социјалните мрежи.
Ова се доста сериозни обвинување на опозиционерот Савески кој во континуитет ги криткува политиките на СДСМ и ДУИ.