СБ: Намалена прогнозата за раст на македонскиот БДП
Објавено во: Економија 12 Јануари, 2023 09:09
Светска банка има нови очекувања - бруто домашниот производ (БДП) на Македонија да се зголеми за 2,4 отсто во 2023 година.
Тоа е за 0,7 процентни поени под проценката што Банката ја направи во јуни минатата година.
Во извештајот за глобалните перспективи, се проценува дека економијата на Македонија пораснала за 2,1 отсто во 2022 година.
Очекувањата се дека економскиот раст на Македонија ќе се забрза до 2,7 отсто во 2024 година.
Инакуи, економиите на Западен Балкан ќе се зголемуваат за 2,5 проценти во 2023 година, по проценетиот регионален економски раст од 3,1 отсто во 2022 година.
„Сепак, постои значителна политичка неизвесност, со ризик парламентарните ќорсокаци да предизвикаат доцнење во спроведувањето на реформите и на тој начин да се спречи ефикасна апсорпција на поврзаните средства (Босна и Херцеговина, Црна Гора, Северна Македонија)“, смета меѓународната кредиторска институција.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
