СБ: Затоплувањето од 4 степени ќе донесе катастрофални последици

Добивај вести на Viber

Последниот Извештај на Светска Банка предупредува на катастрофални последици од климатските промени кои можат да се случат во следниве 100 години. Според Џим Јон Ким, претседателот на СБ, новиот извештај е шокантен и мора да ги натера Владите да преземат акција за прогнозите кои објаснуваат што ќе се случи ако светот се загрее за 4 степени Целзиусови, да не станат реалност. Имено во студијата нарачана од Светска банка, порастот на температурите ќе биде реалност до крајот на столетието, освен ако не се преземат итни мерки за ограничување на емисиите на штетни гасови како резултат на согорувањето на ресурсите како што се јагленот, нафтата и гасот. Извештајот „Намалете ја топлината“ предупредува дека без активности во политиките, резултатите можат да бидат страшни: поплавени градови, зголемување на неухранетоста, гребени кои одумираат, неподносливи топлотни бранови. Исто така во документот се нагласува дека не е сигурно колку е возможна адаптација на светот на повисоки просечни температури за 4 степени. „Топлотните бранови како во Русија во 2010 година, што доведе до илјадници жртви и економска штета за 15 милијарди долари, најверојатно ќе станат вообичаена работа за летните месеци во свет со 4 степени повисока просечна температура", предупредуваат од СБ. Катастрофални поплави, пред се поради зголемените нивоа на морињата, се можни во областите како Индија, Бангладеш и Индонезија. Можни се и почести епидемии, стои во студијата. „Одговорите на системот на Земјата на климатските промени се чини дека не е линеарен“, посочува директорот на PIK, Џон Шелнхубер. „Ако проектираме повеќе од 2 степени, наспроти границата од 4 степени, ризикот за преминување на крајната точка се зголемува. Единствен начин ова да се избегне е да се прекине со вообичаениот начин на работа за производство и потрошувачка“. Повеќето влади во светот се согласија да превземат мерки со кои нема да се  дозволи глобалните температури да пораснат за повеќе од 2 степени, бидејќи дури и таквата промена би била доста опасна. Тие иницијативи може да вклучат: ставање на повеќе од 1 трилион долари на фосилни горива или други штетни субвенции за подобро користење; воведување на природно капитално сметководство во националните сметки; проширување на јавата и приватна потрошувачка со зелена инфраструктура, која ќе биде во состојба да опстане на екстремни временски услови и урбан јавен транспортен систем дизјаниран да ги намали емисиите на јаглерод и зголеми пристапот до работни места и услуги; поддршка на цените на јаглеродот и трговските шеми на меѓународните и национални емисии и зголемување на енергетската ефикасност – особено на зградите – и уделот од произведената обновлива енергија. Извештајот вели дека науката е недвосмислена дека луѓето се причина за глобалното затоплување и главни промени веќе се забележани. Глобалните средни темепературе продолжуваат да се зголемуваат и сега се околу 0,8°C повисоки од прединдустриските. И ако глобалното затоплување од 0.8°C не изгледа големо, извештајот покажува дека голем дел од влијанијата од климатските промени што почнува да се појавуваат при промената од 0.8°C на 2°C затоплување или повеќе, ќе преставува голем предизвик. Зголемувањето од 4°C на глобалните средни температури претставува историско ниво на промена за планетата, што не навраќа на последното ледено време кога поголемиот дел од централна Европа и северниот дела на САД биле покриени со километри од ледена површина и глобалните средни температури биле за 4.5°C до 7°C пониски, се наведува во Извештајот.