СДСМ ќе митингува, Илинденска пред Влада затворена до понеделник
Објавено во: Македонија 07 Октомври, 2017
СДСМ утре ќе го одржи својот централен митинг како дел од изборната кампања за локалните избори на 15 октомври. Заради поставување на бината, како и останатите елементи делот од булеварот Илинден пред Владата на Република Македонија ќе биде затворен до понеделник поради што ќе има воведување на посебен сообраќаен режим.
Сообраќајот на булеварот „Илинден“ на потегот од крстосниците со булеварите „Гоце Делчев“ и „Св. Климент Охридски“ од 18 часот вечерва до 8 часот во понеделник ќе биде во прекин во двата правци.
Како што соопштија од МВР сообраќајот пред Владата на РМ, ќе биде во прекин поради предизборен митинг, а ќе се одвива десно по булеварот „Св. Климент Охридски“ и по булеварот „Гоце Делчев“ и лево по булеварот „ВМРО“.