СДСМ: Што можеше да се изгради со рајската градина?

Добивај вести на Viber

СДСМ бара одовори од општината Аеродром, зошто да се инвестира во рајска градина, кога би било много подобро парите да се насочат кон изградба на училишта и градинки, бидејќи Аеродром е голема населба, со многу млади луѓе, па приоритет би требало да биде изградбата на вакви објекти, а не на рајски градини. СДСМ прашува дали би било подобро и домаќински ако парите се насочеа во 3 училишни згради и 3 градинки, или за културен дом и општинска. Вистинската адреса е сепак, ЕЛЕМ Инаку инвеститор на рајската градина е ЕЛЕМ. Изградбата на рајскиот парк во Аеродром, од страна на ЕЛЕМ уште еднаш ја крена на нозе јавноста. Дали треба толку пари да се фрлаат во вакви проекти, а Македонија и натаму останува увозно зависна од струја. 14 милиони евра ќе чини паркот со мајмуни, птици, водопади и слично, а изминативе години куп проекти во енергетиката останаа нереализирани. Јавноста бара да сопре проектот. Околу една милијарда евра „тежи“ увозот на струја во Македонија од 2008 година досега. Анализата на Фактор која се темели на статистичките податоци покажува дека од изминатите 7 години рекорден е увозот на струја во 2008 година, дури 235 милиони евра за набавка на 2.732 гигават-часови струја. Ако се земе предвид вредноста на некои од досега изградените енергетски објекти или пак, на оние во најава, произлегува дека наместо Македонија да изгради сопствени капацитети за производство на струја – девизите се “фрлале во магла”, или во рајски градини. ПАРИ ВО МАГЛА: Дали ЕЛЕМ треба да гради рајски градини или термо и хидро централи? Постои цела низа на планирани а неизградени објекти, од различни причини. Не се изградија централите Чебрен и Галиште, Бошков мост, не се модернизираше ТЕЦ Неготино, Луково поле, Вардарска Долина, бавно одеа најавите за отворање на рудници за јаглен, а за гасификација се одвојуваа едвај по неколку милиони евра годишно.