СДСМ со кривична против судијката која СЈО го прогласи за ненадлежно

Добивај вести на Viber

Oпозицијата ќе поднесе кривична пријава против судијката Александра Поп Стефанија и ќе побара преиспитување на нејзината работа како и работата на претседателот на Кривичниот суд, Владимир Панчевски.

СДСМ смета дека одлуката СЈО да се прогласи за ненадлежно околу случајот за уништување на опремата за прислшување, во којшто се вмешани Гордана Јанкуловска, Горан Грујевски и други осомничени, е спротивна на законските прописи по повеќе основи:

„Прво, во кривична постапка, овластен тужител може да биде физичко лице или обвинителство. СЈО е токму тоа, обвинителство.

Ова значи дека постапката е покрената е покрената од надлежен орган, СЈО.  Второ, во конкретниот случај станува збор за предмет за којшто судот веќе има постапувано и носено решенија.

За тоа, дали некој е овластен тужител или не, се оценува на почетокот на постапката. Ова е уште едно прекришување на законот

Трето, Републичкиот судски совет ја делегирало Поп Стефанија од судот во Неготино во судот во Скопје да суди предмети во Одделнието за прекршоци. Согласно оваа одлука Поп Стефанија нема законско право да одлучува за предмети за организиран криминал“, потенцира портпаролот на СДСМ, Петре Шилегов.

Согласно информациите достапни во медиумите , Шилгов обвинува дека Александра Поп Стефанија е дел од партиските инсталации на ВМРО-ДПМНЕ во судството. Сопругот на Поп Стефанија е дел од Општинскиот комитет на ВМРО-ДПМНЕ во Неготино, бил член на Комисијата за лустрација и Секретар на општина Неготино, тврди тој.

За потсетување...

Судијката Александра Поп Стефанија го прогласи Специјалното јавно обвинителство за ненадлежно во случајот Тврдина, стои во решението со кое се одбива барањето за притвор за екс началникот на 5-тата управа на УБК Горан Грујевски.