Се намалува инфлацијата во еврозоната
Објавено во: Свет 03 Април, 2013
Трет месец по ред опаѓа инфлацијата во еврозоната. Во март инфлацијата се спушти на речиси најниското тригодишно ниво. Како што соопшти европскиот завод за статистика, потрошувачките цени во еврозоната во март биле за 1,7 отсто повисоки во однос на истиот месец од минатата година, што е најниско ниво од август 2010 година.
Иако инфлацијата е под границата на Европската централна банка, сепак не се очекува промена на каматните стапки за време на утрешниот редовен состанок на ЕЦБ. ЕЦБ се колеба да ја намали основната каматна стапка под рекордно ниските 0,75 проценти иако еврозоната и понатаму е во рецесија, а инфлацијата во пад.