СЕ ОГЛАСИ АВИОКОМПАНИЈАТА ЧИЈ АВИОН ВЧЕРА ПАДНА: Откриени детали за пилотот и авионот

Добивај вести на Viber

Авионот Embraer 190 на Азербејџан ерлајнс кој се вчера во близина на Актау, Казахстан, е произведен во 2013 година, а во октомври оваа година бил подложен на комплетен технички преглед, соопшти прес-службата на азербејџанската авиокомпанија.

Во соопштението се нагласува дека капетанот на урнатиот авион Игор Ксњакин имал долгогодишно искуство и летал повеќе од 15.000 часа, пренесува РИА Новости.

- Авионот AZAL Embraer 190 со регистарски број 4K-AZ65, кој се урна кај Актау, е произведен во 2013 година. Вкупниот број на слетувања на авиони е 9.949, со вкупно време на лет од 15.257,22 часа. Техничкиот преглед на леталото е извршен на 18.10. 2024 година – се вели во соопштението.

Според Казахстанската Федерална агенција за воздушен транспорт, откако авионот наводно се судрил со јато птици, командантот одлучил да го пренасочи авионот на алтернативен аеродром во Актау.

Азербејџан ерлајнс објави дека во авионот имало 67 лица, меѓу кои и пет членови на екипажот, а според прелиминарните податоци, 38 лица загинале, а 29 се хоспитализирани.

Бразилската компанија Ембраер, производител на урнатиот авион, изрази сочувство до семејствата на жртвите и подготвеност да им помогне на властите во истрагата за несреќата.

Да потсетиме, авион Embraer 190 на Азербејџан ерлајнс, кој летал од Баку за Грозни, Русија, се урна во казахстанскиот град Актау со 67 патници и членови на екипажот.

Министерството за вонредни ситуации на Казахстан соопшти дека местото на несреќата е на околу три километри од аеродромот во Актау.

Авион од Азербејџан се урна во близина на аеродром во Казахстан.

На социјалните мрежи е објавена првата снимка од падот на патничкиот авион АЗАЛ во Казахстан, кој летал од Баку за Грозни.