СЕ ОГЛАСИ ФОНДАЦИЈАТА ЗАЕВ ПО ТРАГЕДИЈАТА ВО КОЧАНИ - донирале 2.500 евра на семејствата на настраданите во страотниот пожар
Објавено во: Македонија 22 Март, 2025 12:44
По неколку дена откако како поранешен премиер беше повикуван во јавноста зошто не се огласи вои врска со страшната трагедија која му се случи на Кочани, екс претседателот на Владата Зоран Заев, поточно неговата хуманитарна фондација, се огласи на својата веб страница, објавувајќи дека донирале 150 илјади денари на Црвениот крст за помош на семејствата на настраданите граѓани во страотниот пожар, или околу 2.500 евра.
„Со чувство на голема тага и болка од епилогот на големата трагедија која се случи на 16 март во Кочани, а во која згаснаа животите на 59 млади Македонци кои, за жал, не ја дочекаа новата пролет, Фондацијата „ЗАЕВ – Едно општество за сите“ им изразува искрено и длабоко сочувство на членовите на семејствата на починатите, а на сите повредени им посакува успешно опоравување и брзо враќање во нормалниот живот.
Нашата фондација, преку сметката на Фондот на солидарноста на Црвениот крст на Република Северна Македонија, донираше 150.000 денари како помош на настраданите граѓани во пожарот во Кочани. Воедно, упатуваме апел до сите добри и хумани луѓе и институции во државата, да дадат свој придонес во обезбедување на потребната поддршка за семејствата на настраданите.
Да ја разбудиме човечноста во човека. Да се погрижиме сите заедно, никогаш повеќе да не се повтори такво зло“, се вели во објавата на Фондацијата Заев.
Можеби ќе ве интересира
МАЖ ПУКАЛ ВО ЦЕНТАРОТ ЗА СОЦИЈАЛНИ РАБОТИ ВО ПРИЛЕП: Ранил службеничка која заврши во болница
ЉАТИФИ-АЗИЗИ: Во странство се лекуваат 116 пациенти, а оваа недела се очекува 8 да се вратат
МИТЕВА: Направени се 116 вонредни надзори, изречени се забрани
Исклучена струјата на ЈСП Струмица Транспорт, градоначалникот Костадинов вели дека тоа е смислен потег
ОВА ГИ НАДМИНА СИТЕ ГРАНИЦИ: Јован Јанев објави дека ја напушта Левица
„ДИСКОТЕКАТА „ПУЛС“ НЕ БИЛА ПЛОМБИРАНА, ИЗРЕЧЕНА Е КАЗНА ЗА ПРЕКРШОК“: УЈП соопшти и други детали
САБОТА СПРОТИ НЕДЕЛА СТРЕЛКИТЕ НА ЧАСОВНИКОТ ОДАТ ЕДЕН ЧАС НАНАПРЕД: Од 30. март почнува летното сметање на времето
СДСМ ќе поднесе кривична пријава за полициските командири од Кочани
