16 Декември, 2018
0.3337
    ALK 8197.71    -1.16%     FERS 67900    0%     GRNT 800.16    -2.3%     KMB 5024.07    -0.79%     MPT 46679.54    -1.73%     MTUR 4900    0%     OHB 6517    -0.43%     OILK 6000    0%     OKTA 4350    0%     RMDEN12 97.3    0.31%     RMDEN15 96.8    -0.41%     RMDEN16 97    0%     SBT 1950    8.22%     SOLN 170    0%     STB 1281.65    -0.63%     TEL 299.58    -0.14%     TNB 14180    -0.14%     TTK 1270    -0.78%     ZLRB 6170    311.33%

Се помалку сакаат да цепат трупци, се купуваат инвертер клими

Објавено во: Економија 20 Септември, 2018

И без никакви интервенции и мерки, граѓаните во Македонија ги менуваат потрошувачките навики и свеста за загадувањето и на помалку од месец дена пред почетокот на грејната сезона се повеќе од греење на дрва се преориентираат на купување на инвертер клима-уреди.

- Оваа година ќе купам само еден уред, а од другата можеби уште еден. Со години се греам на дрва и веќе гледам дека времето е дојдено да се замени овој начин на затоплување, затоа што создава многу обврски и има многу слабоасти, а од друга страна конечно има технологија која заштедува колку-толку на мсетките за струја во зимските месеци. Иако сум слаб со приходи, повеќе не можам да сечам летви, да распалувам во ладна просторија, да го чистам пепелот и да складирам постојано - вели Миле Ј. од скопската населба Бутел 2.

Увозниците тврдат дека оваа година има особено голем интерес пред почетокот на грејната сезона.

- Греењето на овие клима-уреди е исплатливо како никогаш досега, а најмногу се купуваат во септември, октомври и ноември. Не е потребно догрејување со друг потрошувач и добро работат и на -25 степени. Имаат решение за сите ситуации. На пример, за повеќе соби може да се купи мултисплит, односно една надворешна со повеќе внатрешни, или пак да ја вклучувате да грее уште од надвор додека се враќате од работа. Каминот е веќе обврска кој секој сака да се ослободи, а на овој начин, според наши пресметки, целосната сметка за струја во зимските месеци и била околу 5.000 денари. Инаку, за купување, кај нас цените во зависност од моделот, се движат од 20.000 до 50.000 денари - вели увозникот.на популарните кинески модели Gree.

Во главниот град, кој секоја доцна есен и зима се бори со екстремно загадување, откажана е првичната намера за воведување на мерка за субвенционирање на инвертери и наместо тоа средствата се пренаменија за чистење на оџаци.

- Знаеме дека тоа уште повеќе ќе го поттикне купувањето и ќе го намали загадувањето, но со ребалансот на буџетот повеќе не е предвидена таква мерка, а така ќе биде и во октомври. Ние не се откажуваме од мерката, која е добра идеја, но може да се реализира од следната грејна сезона. Засега против загадувањето ќе се бориме со субвенции за пелети и велосипеди и чистење на оџаци - вели портпаролот Влатко Васиљ.

Во моментов инвертер климите прераснаа во најсериозно решение за греење на струја. Поточно речено, употребата на клима уред инвертер, можеби е и единствена опција која е исплатлива за греење на струја. Клима уредите со енергетска класа “A”, како и сите електрични уреди, можат да постигнат значајни заштеди во потрошувачката на електричната енергија. Благодарение на работата на моторот на принцип на кои работат топлинските пумпи, овозможува голема ефикасност и повеќе топлина во однос на потрошената струја.

Во меѓувреме и од БЕГ потврдија дека префрлањето на парно греење на сите домаќинства во Град Скопје, со цел да се намали екстремната загаденост на воздухот преку целата година не е можно. Според нивните анализите, греењето на дрва е најголем загадувач на воздухот и затоа од оваа компанија, во емисијата Економски магазин предложија државата и градските власти да субвенционираат набавка на инвертори.

„Ние направивме анализа, дека со масовна имплементација на инверторски системи кои што се најевтино решение во моментов, дека може релативно брзо и со комбинација на гас, да се реши загадувањето.  Со 40 милиони евра, 30 илјади куќи може да се направат со инвертер, заедно со околните скопски населби и да се реши комплетно загадувањето во Градот Скопје“, рече Димитар Кочовски, директор на БЕГ.

Кочовски истакна дека 30-те илјади инвертори ќе трошат малку електрична енергија и дека се најефтини за семејниот буџет. 

Александар Кузмановски

Можеби ќе ве интересира

Неби Хоџа се сомнева во корупција кај македонската страна од Блаце

Неби Хоџа се сомнева во корупција кај македонската страна од Блаце

Македонија ќе го контролира прометот со дијаманти

Македонија ќе го контролира прометот со дијаманти

Во кои градови губите најмногу време во сообраќајниот метеж

Во кои градови губите најмногу време во сообраќајниот метеж

Сугарески: Пругата е готова, македонската и грчката железница нека утврдат нова линија

Сугарески: Пругата е готова, македонската и грчката железница нека утврдат нова линија

Колку пари вртат адвокатите кои бранат обвинети од СЈО?

Колку пари вртат адвокатите кои бранат обвинети од СЈО?

Во иднина ќе нема кој да им намести плочки, цевки и плакари на Македонците

Во иднина ќе нема кој да им намести плочки, цевки и плакари на Македонците

Самсоненко ќе финансира и понатаму, барем засега

Самсоненко ќе финансира и понатаму, барем засега

Само мал дел македонски трговски марки ќе бидат опфатени од Преспанскиот договор

Само мал дел македонски трговски марки ќе бидат опфатени од Преспанскиот договор

Цената на нафтата ги изненади сите

Цената на нафтата ги изненади сите