Се прави нов туристички бренд „Бугарија“

Добивај вести на Viber

До февруари следната година треба да биде готов туристичкиот бренд „Бугарија“, соопшти бугарскиот заменик-министер за туризам  Иво Маринов. Брендот „Бугарија“ ќе ја претставува државата како целогодишна атрактивна туристичка дестинација, со конкурентни туристички производи и можност за престој по пристапни цени. Оваа реклама на Бугарија ќе биде насочена пред се кон четири земји - Германија, Русија, Романија и Велика Британија. Во почетокот на месецот, бугарското министерството за економија ги објави резултатите од истражувањето, кои потврдиле дека Бугарија останува малку позната дестинација, а најмногу ја препознаваат по евтиниот морски туризам, а само малкумина од странските туристи имале информација за планинскиот и ски-туризмот, како и за бугарските бањи и спа центри. Затоа Владата одлучила со реклама и промовирањето на брендот „Бугарија“ да ги привлече странците кон својата држава и да ја победи конкуренцијата. Во однос на летниот туризам за главни конкуренти на земјата се дефинирани Турција, Грција, Хрватска, Италија и Шпанија, а за зимскиот - Австрија и Италија. Што се однесува до СПА и бањскиот туризам, Бугарија се натпреварува со Чешка. Според Румен Драганов, директор на Институтот за анализа и оценка во туризмот, потребни многу средства, а и подолго време за да може "новиот туристички бренд" да стане препознатлив , пренесува бугарски „Investor“. „Бугарија е позната во целиот свет по своите розите. Треба да се вложат барем 200 милиони евра, за да може нашата земја да се изгради нов имиџ . Кога ќе чуе за Бугарија, секој странец прво го споменува маслото од рози, а сега треба да се протурка еден нов бренд, кој се за многумина е целосно непознат“, вели Драганов.