Се урна училиште во Романија, едно лице загина: Жртвата е извлечена од под урнатините
Објавено во: Свет 18 Декември, 2023
Едно лице, кое денеска беше пронајдено под урнатините на училиште во Романија, почина.
Како што пишува Либертатеа, ова е четвртиот и последен човек кој останал заробен под урнатините, а и покрај сите напори на итната помош да ја спасат, жртвата сепак им подлегнала на повредите.
Потсетуваме дека се работи за средношколскиот интернат „Тамаси Арон“ во Одорхејул Секуеску, област Харгита кој ненадејно се урна. Како што јавија споменатите медиуми, вкупната површина на училиштето е 200 метри квадратни, а на местото на настанот брзо пристигнале противпожарни возила и две екипи на брзата помош.
Четворица ученици останаа затрупани, а тројца од нив веднаш беа извлечени од урнатините и пренесени во болница, додека по четвртото лице се трага. За жал четвртиот ученик им подлегнал на повредите, а на лице место е извршена реанимација.
Фото: Принтскрин/Фејсбук