Се влошува ликвидноста на словенските банки

Добивај вести на Viber

Ликвидноста на словенскиот банкарски сектор се влошува, а со крајот на август банките имале речиси 8 милијарди евра лоши побарувања, што е 17,1 посто од вкупната маса одобрени кредити, објави канцеларијата за макроекономски анализи и развој (UMAR) во својата нова редовна публикација „Економско огледало“. Отпишувањата и резервациите кои банките ги извршиле на име лоши кредити во првите осум месеци од годинава, биле за петина поголеми отколку во истиот период лани, а банките значително го намалиле кредитирањето на претпријатијата, како поради малата ликводност, така и поради помалата побарувачка за кредити. Најголемата словенска банка, Нова Љубљанска Банка (NLB), објавила дека во првите девет месеци од годинава имала 293 милиони евра загуба, бидејќи во третиот квартал од оваа година, опсегот на отписи и резервации за лоши кредити, морал да се зголеми на 345 милиони евра.