Секој граѓанин годишно создава 380 кг комунален отпад

Добивај вести на Viber

Годишното количество на создаден комунален отпад по жител лани изнесувал 380 кг, што е за 2.7 % повеќе од 2014 година.

Вкупното количество на собран комунален отпад во Македонија лани изнесува 620 328 тони.

Ова го покажуваат податоците на Државниот завод за статистика. Споредено со 2014 година, вкупното количество  на собран комунален отпад во 2015 година бележи зголемување од 8.9 %.  Најголемо количество на собран комунален отпад е забележано во Скопскиот регион - 151 592 тони или 24.4%  од вкупното собрано количество во државата. Од вкупното количество на собран комунален отпад,  499 658 тони или 81% се собрани од домаќинствата, а останатите 19% од правни и физички лица.  Според видовите на отпад, најголемо количество на собран отпад е измешан комунален отпад, 533 721 тони  или 86%, а најмало количество e отпад од гума, 1 395 тони или 0.2 % од вкупното количество собран комунален отпад.

Вкупното количество на создаден комунален отпад во земјата во 2015 година изнесува 786 182 тони. Од него 99.4% се носи на депонија.