21 Февруари, 2020
0.0167

Секој втор вработен ја напушта фирмата поради незадоволство од претпоставен: Како до нов тип лидери

Објавено во: Економија 20 Јануари, 2020

Академија за развој на лидерски вештини на која компаниите имаат уникатна можност да развијат персонални лидерски вештини и да поттикнат раст ќе организира „Вивендум ратио Солушнс“ во април годинава. Во Македонија ова е прв настан од ваков тип зад кој стои искусен консалтинг тим. Во време кога општеството станува се покомплексно, непредвидливо и карактеризирано со континуирана политичка нестабилност, но и голема стапка на иселување, успехот, растот и додадената вредност на организациите како од приватниот така и од јавниот сектор зависи од лидери на сите нивоа на хиерархија, способни да управуваат во комплексна средина, подготвени за брза промена и развој на вработените. Во денешно време секој втор вработен ја напушта организацијата поради незадоволство од претпоставен и повеќе од 60 отсто од вработените немаат доверба во менаџментот на организациите во кои работат, а процентот на ангажираност на вработени изнесува 12 отсто.

Наташа Алексовска, основач на Вивендум, консултант и бизнис предавач вели дека  иако поголем дел од организациите се свесни за важноста од добар менаџмент и создавање на идни лидери, и вложуваат во програми за развој на лидери сепак резултатите укажуваат на неефикасност на овие програми. Нејзиното досегашно искуство покажало дека причините за тоа лежат во пристапот при креирање и имплементација на развојните програми кој е традиционален.


„Имено при традиционалниот пристап, развојните активности се базираат на формални тренинг сесии и обуки со теми кои не се поврзани со стратешките потреби на компанијата, без соодветна поддршка од извршен менаџмент и евалуација на обука исклучиво од аспект на задоволство од обука и обучувач. Како резултат на овој пристап и без поддршка од извршен менаџмент учесниците се групираат во две категории и тоа оние кои „даваат отпор“ и сметаат дека се присилени да учествуваат на обука и би претпочитале да бидат на своето работно место и вработени „на распуст“ кои уживаат во времето поминато надвор од работа, но за сите погрешни причини, вели Алексовска.

Самата идеја за создавање на Академија за развој на лидерски вештини се родила како резултат на нивната мисија и стремежот за создавање на додадена вредност на клиентите, соработници и средината во која делуваат.

Самата е вклучена во деловен консалтинг и обука и развој на вработени, што и досега и давало пристап до деловните цели, стратешките приоритети и организациона култура на клиентите. Алексовска која сега ќе биде лидер на Академијата и предавач вели дека стратегиите за развој кои досега ги применувале ги дале посакуваните резултати, но и помогнале да креираат фактори за успех и нов пристап кој на организациите ќе им помогнат во развој на моментални и идни лидери, а со ќе се придонесе за исполнување на нивните стратешки цели.

„Лидерството и лидерскиот пристап не е универзален и во голема зависност од средината и ситуацијата во која лидерот се наоѓа и работи. Ова се причините поради кои ние блиску соработуваме со менаџментот на нашите клиенти, се со цел да ги утврдиме клучните лидерски однесувања, начин на размислување, способности потребни за исполнување на стратегијата на организациите. Овие параметри ги користиме за развој на програми за развој на лидерски вештини кои вклучуваат техники и алатки како што се евалуации, симулации, практична примена на здобиени знаења и вештини, coaching, вели Алексовска.


Уникатноста на Академијата е што преку неа компаниите ќе ги постигнат целите кои консултантите ги гарантираат - да се развијат лидерски вештини, да се развијат лидери кои ќе развиваат нови лидери, такви кои ќе се способни да изградат култура отворена за промени. Алексовска објаснува дека меѓу целите е и да се развијат менторски и coach-инг вештини кај учесниците, но и компаниите да создадат лидери кои поседуваат критички знаења и вештини ефикасно да управуваат во време на комплексност, неизвесност и брзи промени. На Академијата ќе се обезбедат клучни знаења потребни за раководење со промени, развој на вештини за влијание и развој на способности за развој на агилни тимови и организации.

Програмата за развој на лидерски вештини е поделена и наменета за две категории на лидери односно за менаџери на средно и високо ниво (оддели и сектори) и за линиски менаџери (менаџери од прва линија).

„Дел од темите кои се обработуваат и се покриени со нашите програми за развој се теории на менаџмент и лидерство, современи менаџерски вештини, стратешки менаџмент, развој на менторски и coaching вештини, психологија на менаџментот, емоционална интелигенција, Закон за работни односи за менаџери, управување со човечки ресурси, лидерски вештини и критичко размислување и решавање на комплексни проблеми, објаснува Алексовска.


Процесот на учење е предвидено да биде преку учење во училница, индивидуални проектни задачи, индивидуална повратна информација и coachingсесии. Но, како што вели Алексовска, на учесниците ќе им се овозможи мобилност,поголема поврзаност без разлика на локација, можност за live споделување на искуства, прашања, проекти, успешни приказни, учење преку социјални медиуми, дигитално учење, дигитални bit-size учења и други современи начини на учење овозможени од новите технологии.

Програмите за развој на лидерски вештини се созадени и наменети за манеџери и вработени како од приватниот така и од јавниот сектор. На програмите може да земат учество менаџери кои веќе работат на раководни позиции и имаат потреба од континуиран развој, вработени кои согласно кариерниот пат планираат да заземат лидерска позиција и секако овие програми се особено привлечни за компаниите кои имаат систем за развој на таленти и план за наследување. Пријавувањето за академијата започнува на 3.Февруари и ќе трае до 11.Март. По пријавувањето ќе се одвива процес на евалуација на учесници, персонализација на развојни планови и поставување на клучни показатели на успех. Развојните активности се планирани за започнат на 6. Април 2020 година. 

A.T.


Можеби ќе ве интересира

Колку пари има во бизнисот со продажба на очила за сонце

Колку пари има во бизнисот со продажба на очила за сонце

Македонска приказна како од Силиконската долина: Кодвел поместува граници во вештачката интелигенција

Македонска приказна како од Силиконската долина: Кодвел поместува граници во вештачката интелигенција

Зетот на Минчо Јорданов поставен за генерален директор на „Бетон“

Зетот на Минчо Јорданов поставен за генерален директор на „Бетон“

НАТО ќе донесе инвеститори во земјава ама ќе нема кој да работи

НАТО ќе донесе инвеститори во земјава ама ќе нема кој да работи

УТРИНСКИ ФОКУС: Како ТТК банка направи профит од 1,8 милиони евра

УТРИНСКИ ФОКУС: Како ТТК банка направи профит од 1,8 милиони евра

Објавен јавниот повик за јавно-приватно партнерство за Чебрен: Приватникот ќе обезбеди 570 милиони евра

Објавен јавниот повик за јавно-приватно партнерство за Чебрен: Приватникот ќе обезбеди 570 милиони евра

БЕГСТВО ОД БРИТАНИЈА: Брегзит ги пресели компаниите во оваа земја

БЕГСТВО ОД БРИТАНИЈА: Брегзит ги пресели компаниите во оваа земја

Одлична 2018 година за ТТК Банка-направи профит од 1,8 милиони евра

Одлична 2018 година за ТТК Банка-направи профит од 1,8 милиони евра

ТТК банка покажа како се заработува во силна конкуренција

ТТК банка покажа како се заработува во силна конкуренција