СЕЛМАНИ ЗА ДУИ: Редно беше еднаш да изразат жалење за инцидентот и сочуство на семејството
Објавено во: Македонија 06 Април, 2018
Претседателот на Здружението на новинари, Насер Селмани, реагира за соопштението на ДУИ по вчерашната престрелка во Мала Речица, со кое партијата се оградува од пресметката меѓу две ривалски групи од кумановскиот огранок на партијата.
„Како го читате соопштението на ДУИ за инцидентот во Тетово со трагични последици?Нека се убиваат Албанците, нас воопшто не ни чуе, доволно е ДУИ да не се спомне по лошо. Какви психопати се овие? И да немаше никаква врска овој инцидент со ДУИ, редно беше еднаш да изразат жалење за инцидентот и сочуство на семејството на загинатиот!“- напиша Селмани на неговиот Фејсбук профил.
Синоќа од ДУИ соопштија дека како и секој друг ден ги реализирале своите вообичајни активности. Тие ги демантираа како неточни информациите дека во Демократската Унија за интеграција имало било каков инцидент. Реагираа дека како политичка партија немаат и не можат да имаат одговорност за евентуалните инциденти кои не се поврзани со ДУИ.