Сергеј Самсоненко купи акции во „Жито Полог“
Објавено во: Економија 04 Февруари, 2020
Сергеј Самсоненко купи 5.000 обични акции со право на глас во „Жито Полог“ АД Тетово, објави Македонска берза.
Рускиот бизнисмен сега поседува вкупно 8.650 обични акции со право на глас во ова акционерско друштво.
Со 15,45 отсто од вкупниот број на издадени акции на друштвото тој е најголем акционер во компанијата, пред Ненад Јосифовиќ (12,47) и Златко Пирузе (11,46),
Акциите се купени од ЗК „Пелагонија“ АД – Битола, која сега има вкупно 5047 обични акции, што претставува 9,01 отсто од сопственоста.
Други сопственици се уште компанијата „Благој Ѓорев“(8,93), „Софија градба“ (5,13) и ТИМ ДОО (6,92).