Северна Кореја повторно без интернет

Добивај вести на Viber

По само еден ден откако беше забележан генерален прекин на интернетот во Северна Кореја, оваа услуга денеска повторно не веше достапна за оваа земја. Американската компанија „Dyn Research“ соопштила дека четири провајдери во Северна Кореја не биле во функција. Се претпоставува дека прекинот на интернет мрежата во оваа земја е освета за хакерските напади врз компанијата „Sony“, кои најверојатно ги извршиле севернокорејски хакери. По овој напад „Sony“ одлучи да го одложи прикажувањето на филмот „Интервју“, во кој на пародичен начин прикажан е севернокорејскиот лидер Ким Џонг Ун. Во Северна Кореја интернет мрежата ви во текот на вчерашниот ден не беше во функција, откако девет часа претходно САД го обвини Пјонгјанг дека стои зад хакерскиот напад на „Sony“. Претседателот на САД, Барак Обама, во неделата изјави дека Вашингтон поради ваквиот упад ќе испрати одговор за Пјонгјанг. САД вчера не сакаа да го коментираат прекинот на интернетот во Северна Кореја, чија причина е уште не е утврдена.