Добивај вести на Viber
Северна Кореја денеска и се закани на Белата куќа дека ќе возврати доколку Вашингтон спроведе санкции за наводните хакерски упади.
Највисоката севернокорејска воена администрациска Комисија за национална одбрана (НДЦ) повторно ја негираше вмешаноста во хакерскиот упад во компјутерската мрежа на компанијата „Sony pictures“ поради што е одложена премиерата на филмот „Интервју“ за кој Пјонгјанг смета дека се исмева лидерот Ким Џонг Ун.
Американскиот претседател, Барак Обама, во саботата потврдил дека Северна Кореја е одговорна за упадот.
НДЦ во соопштение, кое го пренела севернокорејската новинска агенција КЦНЛА, соопштила дека војската и народот се „потполно подготвени за судир со САД на сите воени простори“, вклучувајќи ги тука и сајбер просторот“.
„Нашата најостра провокација ќе биде преземена против Белата куќа, Пентагон и целото американско копно, отпадна јама на тероризмот, која ќе ја надмине „симетричната контракција“ која ја наведе претседателот на САД, Барак Обама“, се истакнува во соопштението.
Северна Кореја, која и претходно им се закануваше на САД, ја обвинила администрацијата на Обама дека е „длабоко одговорна“ за настанувањето на комедијата „Интервју“, чија цел е фикциска завера за атентат врз Ким.
Пјонгјанг повторно ја пофалил „коректната акција“ на хакерската организација, која себе си се нарекува „Чувар на мирот“, но тврди дека нема податоци каде е седиштето на оваа група.