Shell ќе бара нафта во Босна – инвестира 700 милиони долари

Добивај вести на Viber

Shell ќе добие концесија за истражување на нафта на подрачјето на Босна и Xерцеговина, а во целиот проект подготвена е да инвестира 700 милиони американски долари. Министерот за индустрија и енергетика на федерацијата БиХ Елдар Трхулј ја потврди информацијата најавувајки го почетокот на преговорите за доделување на концесијата во Февруари идната година. - Потпишувањето на конечниот договор може да се случи на крајот на идната 2014та година, вели Трхулј. Според неговите тврдења, веднаш по тоа се очекува стартот со работа на бушотините, а властите во Босна и Херцеговина планираат да потпишат договор за експлоатација на нафта со Shell на 25 години. Овој нафтен гигант на властите во БиХ им испратил писмо во кое ги изразил интересите за преговори за доделување на концесија за истражување и експлоатација на наоѓалиштата на нафта. Притоа во писмото назначиле дека се посебно заинтересирани за подрачјето на Динарида. Ова според властите во Босна и Херцеговина е прв случај на сериозен инвеститор во овој бизнис. Федералната влада минатата недела дала начелна согласност за водење на преговори за доделување на концесијата. Истражувањата би се изведувале на потегот од северозападот на БиХ преку Бихаќ, Дрвар кај Мостар во правец на Метковиќ. Се претпоставува дека залихите на нафта на подрачјето на Динарида, кое ја минува и границата со Хрватска, се кријат на длабочина помеѓу четири и осум илјади метри. За да се открие барем едно наоѓалиште потребно  е да се направат барем три бушотини, а за секоја од нив Shell ќе треба да издвои по 75 илјади долари. K.K.