ШОК ВО ГАЗА - ОТКРИЕН НАЈГОЛЕМИОТ ПОДЗЕМЕН ТУНЕЛ! Хамас преместува возила 50 метри под земја (ВИДЕО)
Објавено во: Свет 17 Декември, 2023
Израелската армија соопшти дека е откриен еден од најголемите подземни тунели што ги користи Хамас во северниот дел на Газа.
Израелската армија (ИДФ) на својот профил на „Х“, поранешен „Твитер“ објави дека открила еден од најголемите подземни тунели што ги користи Хамас, пишува „Тајмс оф Израел“. Тунелот се наоѓа во близина на граничниот премин Ерез.
Тунелот е долг околу четири километри, максималната длабочина е околу 50 метри и е доволно простран за да минуваат возила. Тунелот не навлегува на израелска територија.
EXPOSED: The biggest Hamas terrorist tunnel discovered.
— Israel Defense Forces (@IDF) December 17, 2023
This massive tunnel system branches out and spans well over four kilometers (2.5 miles). Its entrance is located only 400 meters (1,310 feet) from the Erez Crossing—used by Gazans on a daily basis to enter Israel for work… pic.twitter.com/RcjK5LbvGL
Еден од влезните окна што беше откриен се наоѓа на само околу 400 метри од граничниот премин Ерез, кој до почетокот на конфликтот меѓу Израел и Хамас, кој започна во раните утрински часови на 7 октомври, дозволуваше движење на палестинските цивили во Израел поради одење на работа и поради медицински причини. Израел додаде дека претходно користел напредна технологија за да открие систем од подземни тунели што ги користи Хамас.
Фото: Принтскрин/Твитер