Шпанија трага по добитник на награда од 4,7 милиони евра
Објавено во: Стил 18 Септември, 2013
Цела Шпанија се уште трага за лицето кое неодамна во Коруна купи ливче од лотарија, со кое освои награда од 4,7 милиони евра, но кој мистериозниот добитник (или добитничка) случајно го оставил во продавницата.
Добитното ливче е пронајдено уште на 30 јуни, а потоа предадено на властите.
Сега управата на градот Коруна трага по сопственикот, а градоначалникот Карлос Негреира се шегува дека тој е првиот градоначалник кој го бара милиониерот да му ги предаде, а не да му ги земе парите, пренесува Индепендент.
Од градската управа порачуваат дека ќе спроведат сериозни проверки на сите граѓани кои ќе се јават како сопственици на добитното ливче (иако не е прецизирано како тие проверки ќе се направат). Ако сопственикот не се најде, добивката ќе оди кај пронаоѓачот на ливчето.
