Што им одговорил Заев на руските комичари откако му пишале по скандалот?
Објавено во: Македонија 14 Јули, 2019
Ми пишуваше истиот тој лажен човек, една порака дека храбро сум се борел против моите непријатели на прес-конференција, изјави премиерот Зоран Заев за ТВ Клан откако еден од руските пранкери му пишал порака.
Заев претходно имаше прес-конференција во врска со разговорот со него и уште еден руски комичар, верувајќи дека зборува со екс украинскиот претседател Петро Порошенко и генералниот секретар на НАТО, Јенс Столтенберг.
„Јас возвратив со порака, реков дека јас сум чесен човек, немојте да го правите тоа така какви и да се шегувате со чесни луѓе кои сакаат чесно да им служат на своите држави и својот народ. Некој можеби живее од тоа, јас знам дека тие луѓе заработуваат пари од тоа, на Јутуб пуштаат и тоа се наплаќа, мене ми е јасно, но истовремено и ние имаме чест и углед и не е коректно да си играме со честа и угледот на некој“– рече Заев.
Деновиве разговори беа објавени и со косовскиот премиер, Рамуш Харадинај. Многу политичари биле мета на руските пранкери.Тие рекоа дека го избрале Заев затоа што зборувал против Москва. Ако до Макрон им требале две години за дојдат до него, со македонскиот премиер тоа им одело многу лесно и го добиле за неколку часа.