ШТО ПОТПИШАА Русија и Саудиска Арабија за нафтениот пазар?
Објавено во: Економија, Свет 05 Септември, 2016 13:09
Русија и Саудиска Арабија во Хангжу, каде денес завршува дводневниот самит на Г-20, потпишаа заедничка декларација за стабилизирање на нафтениот пазар.
Документот беше потпишан од рускиот министер за енергетика Александар Новак и министерот за енергетика, индустрија и минерални ресурси на Саудиска Арабија Халед ибн Абдул Азиз ал Фалих.
По оваа порака нафтата од типот Брент од Северното Море за испорака во ноември поскапе за 5,4 проценти до 49,15 долари за барел.
Москва и Ријад ќе дејствуваат заедно за одржување на стабилноста на нафтениот пазар и обезбедување на одржливо ниво на инвестиции, се вели во декларацијата.
Русија и Саудиска Арабија ја признаваат потребата од ограничување на прекумерната нестабилност на нафтениот пазар. Двете земји ќе формираат работна група за следење на пазарот и изработка на препораки за обезбедување на неговата стабилност, а нејзината прва седница ќе биде во октомври.
Министрите за енергетика на Русија и Саудиска Арабија ќе се состанат во октомври во Алжир и во ноември во Виена, предвидува документот.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
