Што се случи со Македонците кои имаат сметки во Швајцарија: Сега ќе се даночи и митото
Објавено во: Економија 16 Ноември, 2020
Се засилуваат даночните рестрикции за компаниите кои плаќаат даноци во Швајцарија. Во земјата која важеше со години за даночен рај затоа што имаше силни банкарски тајни околу сметките на компаниите, сега се стега обрачот околу нив. Според нови даночни правила кои го усвои швајцарската влада, компаниите од 2022 година веќе нема да можат да го сметаат митото како признат трошок за данок.
Покрај митото, ќе се даночат и трошоци за финансирање на криминални активности, авансно обештетување на делото.
„Како и досега, домашните кривични финансиски санкции, односно казните и административните кривични санкции, нема да можат да се одземаат од даноци во иднина. Од друга страна, странските финансиски санкции ќе можат да се одземат од даноци во посебни случаи, ако тие ја нарушуваат швајцарската политика или ако компанијата веродостојно докаже дека ги презела сите оправдани чекори за усогласување со законот“, објасни Владата.
Инаку истражување во 2016 година на Меѓународниот конзорциуим за истражувачко новинарство, покажа дека и Македонци чуваат големи пари (барем за наши услови) во швајцарски банки.
Истражувањето покажа дека во швајцарскиот огранок на британската банка ХСБЦ, која им помагала на богатите клиенти да избегнуваат плаќање даноци и да скријат милиони долари има и 9 клиенти од Македонија, кои на 15 сметки имале 164 милиони долари - 11 проценти имаат македонски пасош или се со македонска националност.