Што се случува со валутите – кои зајакнаа, а кои ослабнаа?

Добивај вести на Viber

Растот на американскиот долар денеска забави на меѓународните девизни пазари.

Инвеститорите ќе го почекаат објавувањето на клучниот извештај за вработеноста во САД. Тој треба да помогне во формирањето на краткорочните предвидувања за движењето на каматните стапки.

Индексот на доларот, кој ја мери вредноста на американската валута кон шесте валути остана речиси непроменет во однос на тргувањето во средата и со тоа се држи под највисоките нивоа во последните три седмици од 96,255 поени.

Американската валута кон јапонската се намали за 0,1%, на 103,29 јени, и со тоа се спушти од највисокото ниво во последниот месец од 103,54 јени. Курсот на еврото  на валутните пазари остана непроменет во однос на претходниот трговски ден, на 1,1145 долари.

Британската фунта зајакна за благи 0,1% во однос на доларот, на 1,3150 долари, пред објавувањето на извештајот за активностите во британскиот производствен сектор во август.

Во фокусот на европските инвеститори е извештајот за индексите на менаџерите на набавкaтa (PMI) во британскиот сектор за производство, а по низата главно подобри од очекуваните показатели од британското стопанство кои ги ублажија стравувањата од остро слабеење на активностите по британската референдумска одлука за излегување од Европската унија.

Извештајот за бројот на ноотворените работни места во САД ќе биде објавен в петок. Тој е клучен за оцената на кондицијата на водечката светска економија и предвидувањата за временската рамка во која каматните стапки би можеле да бидат зголемени.