Што вели битолската градоначалничка Петровска за „Рекет“?
Објавено во: Македонија 24 Јули, 2019
Градоначалничката на Општина Битола, Наташа Петровска денеска изјави дека истражните органи досега не ја контактирале во врска со случајот „Рекет“.
„Во овие околности не сакам да зборувам за постапка и процес што ги водат други органи. Кога ќе бидам запрашана од надлежни институции ќе дадам одговор“, изјави Петровска.
Премиерот Зоран Заев пред околу еден месец на седница за пратенички прашања во Собранието, за тоа кои се Коки и Кики и дали знае која градоначалничка се обиделе да ја рекетираат барајќи од неа бесплатна локација за градба и неплаќање комуналии во износ од 1 милион евра, кажа дека за случајот се води истрага и дека е информиран за нивниот обид за изнуда.