Добивај вести на Viber
Јапонските автомобили се особено популарни во САД, но какви автомобили претпочитаат самите Јапонци? Или пак кои модели се продаваат најмногу во земјите како Северна Кореја, Кина или Иран? На овие прашања се обидува да одговори изданието Autoexpress заедно со сајтот BestSellingCarsBlog.
Hawtai Lusheng E70
Тоа е најпродаваниот автомобил во Северна Кореја. Сите податоци за обемот на продажбата, како и за цената му се строго скриени, бидејќи нарачките доаѓаат директно од државата. За машината сепак се знае дека главно ги извршува функциите на такси во главниот град Пјонгјанг. Што се однесува до техничките детали, единствено познато е дека во основата е модел на Hyundai од 2000 година, а производството се врши во Кина.
VW Gol
Тоа е најпродаваниот автомобил во Јужна Америка. Компактниот модел (да не се меша со Golf) излегува уште во 1980 година. Покрај како хечбек, тој се продава и како седан под името Voyage.
Peugeot Pars
Најпродаваниот автомобил во Иран е и еден од најпродаваните модели на Peugeot во историјата на брендот. Тоа нема да биде занемарено, дури со оглед дека "прародителот" на Pars - Peugeot 405, наскоро ќе наполни 30 години.
Matchedje F16
Ова е идниот бестселер во Мозамбик. Производството на овој пикап се одржува од Фронтот за ослободување на Мозамбик, кој сака до 2025 година годишниот обем на производство да достигне 1 милион единици. Машината, природно, е основана од Кинези, кои исто така го контролираат неговото производство.
Mobius II
Најпопуларната машина во Кенија е од локално производство. Таа чини околу 10 000 долари, но конструкцијата и е максимално поедноставена. Моделот доаѓа со 6 или 8 места, а може да носи товар до 500 кг. Погонот е доверен на 2,0-литарски бензински мотор од Toyota.
Honda N-Box
Најуспешниот кеј-кар во Јапонија во последните години. Јапонските машини, опремени со 660-кубика мотор и со должина под 3,4 метри се омилено средство за придвижување во големите мегалополиси. Во 2014 година, речиси секој втор автомобил продаден во Јапонија, влегува во оваа категорија. Конкуренцијата е жестока, па успехот на Honda не е воопшто лесен.
Toyota Avanza
Најпопуларниот модел на пазарот во Индонезија, каде во принцип доминираат токму Toyota и Daihatsu. Годишна продажба на Avanza надминува 200 000 единици.
Wuling Hongguang
Тоа е сонот на секој производител - негов модел да биде продаден на пазарот во Кина. Марката е локална, иако 44% од неа и припаѓа на General Motors. Тајната на мини е во најниската цена - околу 7400 долари. Само минатата година сопственици на нов Hongguang станаа повеќе од 750 000 луѓе.
Обработка: К.К.
Извор: Autoexpress