Сигма-СБ добитник на награда за верификуван македонски ИКТ производ

Добивај вести на Viber

На свечената церемонија што се одржа во рамките на прославата по повод 20 години од постоењето на Сојузот на стопански комори на Македонија, беа доделени признанија на македонски компании кои придонесуваат за развојот на домашната економија. Меѓу добитниците на наградите, Сигма-СБ се истакна со признание за својот ИКТ производ ССБ Еди, кој беше награден со сертификат за верификуван македонски производ.

Сигма-СБ, со својата 29-годишна традиција и искуство, е етаблирана компанија на македонскиот пазар, но и во регионот, и тоа благодарение на своите иновативни и квалитетни софтверски решенија. Со повеќе од 100 задоволни клиенти од различни индустрии, компанијата континуирано ја докажува својата посветеност кон развој на технолошки решенија кои ги задоволуваат потребите на современите бизниси.

„Оваа награда е потврда за долгогодишниот труд, посветеност и креативност што ги вложуваме во создавањето на решенија кои носат вистинска вредност за нашите клиенти. Признанието од Сојузот на стопански комори за нас има посебно значење, бидејќи тоа е признание не само за квалитетот на нашите производи, туку и за нашиот придонес кон развојот на македонската економија,“ изјави менаџментот на Сигма-СБ.

ССБ Еди, софтверот кој ја доби наградата, претставува иновативно и универзално решение кое е збир на стандарди за комуникација помеѓу два компјутерски системи преку кое се разменуваат деловни податоци (документи) помеѓу компании (трговски партнери) во стандардизиран формат разбирлив за компјутерките системи. Токму поради ова, овој производот е пример за тоа како локалните ИКТ компании можат да создаваат софтвер со глобален потенцијал. Ова решение е усогласено според стандардите на GS1 и во соработка со GS1 Македонија. За квалитетот на ова решение зборува и листата компании кои го користат: Нелт СТ, Атлантик, АВТ, Кола, Колид Фудс, Пекабеско, Рамсторе Македонија, Веро, Тинекс и многу други.

Минатата година, Сигма-СБ исто така доби признание од Сојузот на стопански комори за својот производ ССБ ЕРП (интегрирано софтверско решение за компаниски менаџмент).

 Сојузот на стопански комори преку овој настан го истакна значењето на поддршката на македонските компании кои вложуваат во иновации, квалитет и технолошки напредок. Сигма-СБ со ова признание дополнително ја зацврсти својата позиција на пазарот и потврди дека успехот доаѓа со посветеност и визија.