Сиромаштијата тропна на грчките врати

Добивај вести на Viber

Грција влегува помеѓу најсиромашните држави во ЕУ. Секој четврти жител во оваа земја е на раб на сиромаштија,  пишува весникот „Пондики“. Така во опасност од сиромаштија се 23,1 отсто од населението, или 23,5 отсто од жените, наспроти 22,5 кај мажите. Ова се податоци од анкета спроведена лани, каде опасноста од сиромаштија се утврдува врз основа на односот на бројот на домаќинства со приход помал од 60 проценти од просечниот приход,  во вкупниот број домаќинства на една земја. Сиромаштија најмногу им се заканува на домаќинства од еден родител со едно или повеќе деца ,  потоа кај невработените мажи. Проблематични се и категориите на невработени, деца до 17 години, но и жени кои живеат сами, како и семејства каде еден член е постар од 65 години. Грчкиот завод за статистика, ЕЛСТАТ проценува дека во опасност од сиромаштија се 2,5 милиони луѓе.Во семејства во кои не работи ниту еден член или работи помалку од три месеци живеат еден милион и 11 илјади луѓе, што е 16,1 проценти од населението од 18 до 59 години. Оваа бројка е поголема за 837.300 луѓе во однос на 2011 година.