СЈО ги „замрзна“ становите на синовите на Бонева
Објавено во: Македонија 21 Март, 2018
Замрзнати се становите на синовите на екс пратеничката на ВМРО-ДПМНЕ, Силвана Бонева, информираше денеска специјалната јавна обвинителка, Катица Јанева.
Јанева вели дека ова е направено по барање на Специјалното јавно обвинителство.
Во декември лани СЈО соопшти дека е отворена истрага против Бонева за злоупотреба на патните трошоци. Според СЈО од 25 јуни до 16 декември на Собранието Бонева му давала лажни фискални сметки од патарини, иако имала сместување во Скопје.