Скокнаа цените на становите

Добивај вести на Viber

3,1 отсто се зголемиле цените на становите покажа последниот извештај на Народната банка.

Од централната банка велат дека засега не можат да проценат дали растот е од привремен или постојан карактер.

Според податокот на НБРМ во овој период зајакнува и побарувачката на станови, што е резултат на растот на станбените кредити.

„Имајќи предвид дека во текот на изминатата година, кај цените на недвижностите беа забележани мали поместувања во различна насока, тешко е да се заклучи дали промената во првиот квартал е од постојан или од привремен карактер. Во прилог на ова е и констатацијата дека по изразено надолниот тренд во претходните години, во текот на изминатата година дојде до стабилизирање на цените на становите“, се наведува во извештајот на НБРМ.

 Во поглед на состојбата на понудата и побарувачката на недвижности, показателите не упатуваат на позначителни промени.

„Имено, кај изградбата на станбени згради и понатаму се забележува двоцифрена стапка на раст (просечна годишна стапка на раст на изградбата на станбени згради во 2015 година од околу 19%), а слична динамика покажуваат и податоците за одобренијата за изградба на станови. Во поглед на побарувачката на станови, постојаниот солиден раст на станбените кредити продолжи и во првиот квартал на 2016 година, што упатува на натамошно зајакнување на побарувачката“, соопшти НБРМ.