Скопјанец претепан во својот дом
Објавено во: Македонија 16 Март, 2018
Според информациите на МВР, синоќа три лица нападнале маж во неговата куќа во Скопје, при што му нанеле повреди на телото.
Инцидентот се случил вчера околу 22:30 часот во куќата на 37-годишниот Д.С. на улица „Радишани“ во Скопје. Три лица со возило „Опел Вектра“, од кои едниот бил идентификуван како Д.Т. од Петровец со дрвени стапови ја оштетиле вратата и прозорците, по што влегле внатре и физички го нападнале Д.С. и му нанеле повреди по телото.
Напаѓачите побегнале од местото, а Д.С. со екипа на Итна медицинска помош бил пренесен во Градската општа болница „Св.Наум Охридски“, каде му била укажана лекарска помош.
Д.Т. бил приведен во полициската станица Кисела Вода.
Од МВР преземаат мерки за целосно расчистување на случајот.