СКОПЈАНИ ЌЕ ДОБИЈАТ БЕСПЛАТЕН АВТОБУСКИ ПРЕВОЗ, НО УШТЕ МАЛКУ ДА СЕ СТРПАТ: Арсовска го најавува по кризата
Објавено во: Македонија 10 Декември, 2022
Градоначалничката
на Скопје, Данела Арсовска во синоќешното гостување во „360“ говореше за
катуелните проблеми со јавниот автобуски превоз во главниот град. Иако досега
нема ништо од најавеното предизборно ветување дека скопјани ќе имаат бесплатен
превоз, Арсовска уверува дека се ќе биде исполнето, но кога ќе биде надмината
тешката енергетска криза.
-Има многу фактори кои се во игра – тука се бројните опструкции што ги гледаме, но она што е напишано во програмата, јас веќе реков, планираме целата програма да ја реализираме. Она што не го знаевме пред 12 месеци е дека ќе се соочиме со ваква тешка енергетска криза, а ние притоа имаме загубар на кој му се повлечени голем дел од средствата кои досега биле дотирани од Владата за превозот на студентите, повлечени се дел од средствата за ова претпријатие да биде одржливо и сега во овој момент се бориме со криза да го консолидираме ова јавно претпријатие. Кога ќе се надмине кризата, ќе се реализира се она што е ветено, рече скопската градоначалничка во „360“.